• نبذه بسيطه عن تربيه الدواجن قسم التسمين من وجهة نظري

  • بواسطة العضو : MOHAMED abd elmonem

    عدد المشاهدات : 20279 مره
  • نبذه بسيطه عن تربيه الدواجن قسم  التسمين من وجهة نظري
  • بسم الله الرحمن الرحيم
    في البدايه
    انا مش هطول عليكوا ان هتكلم عن التربيه من اول يوم لحد 40 يوم يوم ^البيع^ باختصار شديد
    اولا الكتكوت لازم يكون من شركه كويسه جداا و مضمونه باختصار شديد لان لو فرخ الاهالي محولش مش هيسال عنك ولا هيعبرك مش كل الاهالي بس في الاغلب كده و عن تجربه
    لكن فرخ الشركات بيهتموا بيه جدااا و لو حصله حاجه بتعرف ترد عليهم و تاخد حقك
    و اختيار السلاله اهم من اي حاجه و لازم يجيلك مع الكتاكيت دليل اسمه دليل التربيه او دليل السلاله ووجوده ضروري جدااا
    حاول تهتم بيه و تقراه من اول يوم لاخر يوم و تطبقه الي حدا ما
    هنبدا نتكلم عن الايام الاربعين كامليه
    في اول يوم اول اما يجيلك الكتكوت افحصه كويس و هو في القفص بتاعه
    و هات سقايه و اوزنها و خد 10 كتاكيت و حطهم فيها لو و وزنهم كان مابين 360 _410 جم كويس جدا بعد خصم وزن السقايه كررها 3 او اربع مرات لو كان المتوسط كده تمام نزل الكتكوت لو كان تحت 360 ب جرام واحد يا ترجع الكتكوت يا تخصم الفرق لانه بيتحط تحت مسمي بشاير و ده بيتعب في النمو و الفرج اكتر من 50 _75 قرش في الكتكوت يعني مش قليل
    او لو كان الكتكوت فوق 410 ده لازم يرجع لانه من ام كبيره في السن و غالبا مناعتها بتكون ساقطه و بيعمل خراب كبير و خساره كبيره و اكثر عرضه للفيروسات
    و بعد ما تنزل الكتكوت حاول تفرش كراتين في مكان التحضين و مهم جدا وجودها و حط عليها علف قليل و حط سقايات بحيث لكل 100 كتكوت سقايه وبعد اما العلف اللي علي الكراتبن يخلص اجمع الكراتين و احرقها بعيد عن العنبر و بكده يبقا حضرتك خلصت من السالمونيلا نهائيا او اجزء كبير منها و الوقايه خير من العلاج بمعني اصح
    و بعدها نزل الاطباق الخاصه بالتحضين و حط فيها تقريبا ربع كيلو علف و اعلف بانتظام و يستحسن تستقبل الكتكوت علي عسل اسود 4 سم/لتر او سكر معلقه صغيره /لتر لمدة 6 ساعات او لما اللي في السقايات يخلص او ابدا بالدواء علطول مفيش مشاكل الدواء هيكون تيلوزين و كولستين سم/لتر و لمدة 3 ايام و من اليوم الرابع حط املاح علشان عصب الفرخ و الافتراس و ادويه للاسهالات و اليوم الخامس حصن هتشنر اي بي امبول للالف فرخ و احقن ثنائي ^انفلوانزا طيور و نيوكسيل ^ هتلاحظ خمول للكتكوت متخافش ده طبيعي و كمل علاجك ل 7 ايام و بعد 7 ايام روح للدكتور و اسمع مني و متجربش في نفسك و هو هيعملك برنامج كويس و هيمشيك عليه لاخر يوم و كرر الزياره اسبوعيا للاطمئمنان الكامل
    بعد 3 ايام وسع تدريجي لحد لما توصل ل 20 يوم تكون فاتح في العنبر كله
    درجة الحراره في التحضين 30 درجه مئويه و بعد اول 7 ايام ممكن تنزلها ل 28 درجه مئويه و لحد 30 يوم بعدها من 22_ 26 درجه مئويه مناسبه لحد 40 يوم و تبيع بعدها لو الفرخ كان جاب متوسط 1.9 كجم و اكل 3.5 كيلو علف قبل كده متبيعش الا لو كان دخل فيرس لانك بالمختصر بتبيع بالكيلو مش بالفرخه
    بالنسبه للشبابيك اللي محدش اتكلم عنها خالص في اول 3 ايام قفل تام سواء ستاره و شبابيك
    بعد 3 ايام سبع شباكين في الصف القبلي اللي فوق فقط يعني كل صف شباكين بطول الحضانه لحد عمر 7 ايام و من سبع ايام سبع قبلي و بحري فوق و اتحكم في حجم السبعه علشان تضبط درجه الحراره لحد 12 يوم و بعده سبع قبلي تحت لحد 15 يوم ومن 15 يوم سبع قبلي و بحري تحت و فوق و حافظ ع درجة الحراره المطلوبه
    علي حسب حجم السبعه و لحد 28 يوم و بعدها وسع السبعه شويه علشان الفرخ بيبقي كبر و محتاج هوا كتير دي للاسف فترة الفيروسات الهم كله فحافظ ع التعليمات بحيث الفرخ ما يبردش او يتكتم عليه و صدقني هتنجح انا قولت مش هطول في البدابه بس مقدرتش لاني كان لازم اذكر معظم جوانب التربيه و اسف ع الاطاله و التربيه مدارسه و لكل مدرسه طريقتها

    مهندس : محمد عبد المنعم الفرخ اللي في الصوره 35 يوم

  • المقال يعبر فقط عن رأى الكاتب ولا يعبر بالضرورة عن رأى الموقع

تعليقات الأعضاء
محمد غريب    04 فبراير 2016
الله عليك يادكتور
Ahmed Yakout    "صاحب مزرعة"    04 فبراير 2016
مشكور على الشرح الممتاز
يوسف محمدحامد    04 فبراير 2016
عندي مشكلة جزاكم الله خيرا كتاكيت عمر أسبوع رقبتهم بتداء تلف لدرجة كانه بتربط ويقلب راس الكتوت لتحت والموضوع كل يوم بيزيد ربنا يكرمك
Waleed Tallaat    "Accountant"    04 فبراير 2016
خلى بالك ديه اعراض نيوكسيل عصبى روح لمعمل محترم وشىرح وربنا يسترها عليك
Ahmed Farouk    07 فبراير 2016
عندى كتاكيت بتفتح بقها وتقفله زى ماتكون بطلع فى الروح ايه العلاج
ماهر سعدالله    08 فبراير 2016
دى مايكوبلازما عالجها عشان اضراها توابعها وده عيب من الام من المعمل
ابو جنا للالمونيتال    16 فبراير 2016
لايه الفرخ بيموت من غير سبب عمر 31 يوم
اشرف زکی    18 فبراير 2016
حکمه ربنا
Om Omar    21 فبراير 2016
كيف اعطى دواء المناعة ومتى
Tarek Apdalaziz    "مربى."    28 إبريل 2016
المشكله الى بيقع فيها معظم المربيين انه بيعطى الفرخ فى بداية العمر مضادات حيويه كتير وبعد كده بيشتكى من سوء المناعه الحل كان فى ايد حضرتك لازم تنزل بمضاد حيوى خفيف يعنى جرعه 8ساعات فى الاسبوع علشان لما الفرخ يحتاجه تانى انزله ويكون اقوى وهنا الفرخ هيقبل المضاد الحيوى بسهوله وهيشتغل معاه وهيجيب نتيجه ..... اهم شئ نظافة المكان كويس من اى امونيا.
Mohamed Elbath    "مدرس"    16 يونيو 2016
بعد اازنك ياا رايس محتااج مكاان موثوق فى ينزلى كتاكيت والعلف والدفع كااش برجااء الرد على الميل الخااص بتااعى
علي عبدالرافع عبدالصبور    "مربي دواجن تسمين"    20 سبتمبر 2016
شكرا علي المعلومات وجزاك الله كل خير
Adham Mohammed    24 أكتوبر 2016
عايز 500 كتكوت 01149142075 فى القاهره
Bê Bő    27 أكتوبر 2016
عندى الكتكوت يكون كويس جدا بس بيموت بسبب القلب على الظهر اعمل ايه
Memo Mahros    "مهندس ديكورات الاسقف المعلقة"    17 ديسمبر 2016
شكرا عى الشرح الممتاز ونتمنى الاستفادة منكم ديما وربنا يوفقنا جميعا
للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد

تعرف على الاستسقاء في الدواجن واسبابه واعراضه والوقايه منه .

الاستسقاء في الدواجن أو مايسمى الحبن او التورم ... Oedema disease حالة مرضية تحدث اساساً في دجاج اللحم نتيجة نقص الأكسجين أو التسمم الذي يؤدي في النهاية الى قصور في الدورة الدموية وقصور وارتخاء في البطين الأيمن للقلب وتجمع سوائل في اجواف الجسم ( الاستسقاء ) والموت نتيجة القصور القلبي

عدد المشاهدات : 26156 مرة التفاصيل
تعرف على ظاهرة الموت المفاجئ فى دجاج اللتسمين

تعرف على ظاهرة الموت المفاجئ فى دجاج اللتسمين

تحدث ظاهرة النفوق المفاجئ لدجاج التسمين للسلالات سريعة النمو وخاصة الذكور من بداية العمر وحتى عمر التسوق. وقد تحدث هذه الظاهرة بمعدلات عالية بداية من الأسبوع الرابع من العمر حتى…

عدد المشاهدات : 9705 مرة التفاصيل
استراتجيه العلاج بالمضادات الحيوية فى الدواجن

استراتجيه العلاج بالمضادات الحيوية فى الدواجن

الكاتب مهندس فايز شامخ الكميلي

عدد المشاهدات : 7252 مرة التفاصيل
متوسط الأوزان المثالية فى الساسو

متوسط الأوزان المثالية فى الساسو

دكتور ياسر البهى

عدد المشاهدات : 17006 مرة التفاصيل
انظمة تحديد العليقة  لقطعان امهات التسمين

انظمة تحديد العليقة لقطعان امهات التسمين

نظام تقنين العلف اليومي (Daily Feed Restriction). يقدم العلف في هذا النظام يومياً ولكن بكميات صغيرة ومحددة تبعاً لعمر القطيع ، وتوجد معدلات قياسية لكل سلالة (لاحظ الجدولين) تحدد فيها…

عدد المشاهدات : 4021 مرة التفاصيل
الشرح المفصل لمرض الجدرى للدجاج والوقايه منه وعلاجـه.

الشرح المفصل لمرض الجدرى للدجاج والوقايه منه وعلاجـه.

مـرض الجدـرى هو مرض يصيب الرومي والدجاج والطيور البرية وهو فيروس ينتقل عن طريق البعوض و غيره من الحشرات ومن خلال القروح و الجروح الجلدية.

عدد المشاهدات : 45256 مرة التفاصيل
تضاد الادويه البيطريه في الدواجن

تضاد الادويه البيطريه في الدواجن

اليوم سنتكلم باذن الله عن التضاد عند اضافه الادويه سواء مضادات حيويه معا او اي ادويه اخري .الابرامايسن مع كلورامفينيكول او سالفوناميد او كولستين او…

عدد المشاهدات : 4899 مرة التفاصيل

تعرف على الادوية البشرية المستعمله لمربي الدواجن و الطيور

نبذه سريعه عن الادوية البشرية المستعمله لمربي الدواجن و الطيور

عدد المشاهدات : 37725 مرة التفاصيل

بعض النصائح المفيده للوقايه من أمراض الدواجن

هنا بعض النصائح المفيده للوقايه من أمراض الدواجن يجب معرفتها جيدا .

عدد المشاهدات : 36831 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟