• المقال دا هنتكلم عن سلالة انا بحبها جدا وهى الكوب.

  • بواسطة العضو : شعبان عبدالقادر

    عدد المشاهدات : 49350 مره
  • بس هنتكلم ازاى انت كمدير مزرعة يكون عندك قياساتك اللى تعرفك انك ماشى صح
    اول حاجة احرص دايما انك تربى عمر واحد لكتكوت التسمين لان طبعا من المعروف ان الامهات ليها اكثر من مرحلة اقل من 32 اسبوع ومرحلة ما بين ال 32 الى 45 اسبوع ومرحلة ما بعد ال 45 اسبوع الى اخر عمر الام

    من الخطا الفاحش انك تربى قطعين على بعض من عمرين مختلفين

    ثانى حاجة بعد ما اخترنا الكتكوت الصح من الام الصح


    النقل من المعمل الى المزرعة :

    ودى هى مش مسؤليتك لكن لازم تعرف ان كل ما طالت الفترة دى كل ما الكتكوت هيتعبك معاك فى المزرعة يعنى احنا عاوزين اقصى مدة من 6 الى 8 ساعات
    اكثر من كدا هيبدا يففد من وزنة ولو حسيت ان الكتكوت لة مدة طويلة من المعمل علف بسرعة لان فية قانون فى التسمين ان الكتكوت بيفقد من 4 الى 6 جرام من جسمة بعد الفقس لو موصلش المزرعة بسرعة خاصة لو متصوم

    الحاجة التالتة

    التحضين الناس كلها عارفة طريقة التحضين لكن هنقول حاجة واحدة بس ان الكتكوت بيحب لما ينزل من القفص يفضل مكانة يعنى علشان احسن انتشار ومنع التكدس وزع انت الاقفاص وانت بترمى الكتاكيت فى الحضانة يعنى مش فى مكان واحد


    الحرارة

    دى اهم حاجة فى الموضوع ومش هقول غير كلما كان فية توزيع كويس فى الحضانة بالنسبة للحرارة تكون فعلا نجحت فى التحضين يعنى اول الحضانة ونصفها واطرافها قريبة من بعضها فى الحراراة

    تعالى بقى يا برنس لاهم نقطة وفعلا دى هتعرفك الكتكوت هيسمن معاك ويعطى نتيجة كويسة الى اخر الدورة ولا لا
    العلف
    العلف
    العلف
    وهعطيك مؤشر تمشى علية
    لو بعد ساعتين من وضع الكتكوت لقيت 75% من الكتاكيت اكلت طبعا عن طريق حس الحوصلة
    وبعد 12 ساعة لاقيت 85%
    وبعد 24 ساعة 95%
    وبعد 32 ساعة الكل اكل
    دا معناة ان عملية التعليف بتعتك نجحت
    طيب ازاى
    اولا هيكون اطباق التحضين 20 لكل 1000
    ثانيا ظبط الحرارة علشان يكلو بسرعة
    ثالثا الاضاءة تكون منتشرة وقوية
    رابعا دعم اطباق العلف بورق كرتون وانشر علية علف ووسع مساحة الورق دا لان الكتكوت بيحب النقر ولو العلف لمس فمة بس اول ساعة خلاص اعتبرة عدى معاك

    بعد دا كلة ازاى اعرف انى نجحت من اول اسبوع

    سؤال جميل وانا منتظرة منك من اول ما كتبت المقال

    لو وزنت الكتكوت بتاعك ولقيتة من 162 الى 170 جرام فى اول اسبوع تعرف انك نجحت وهيكمل معاك للاخر بنحاج بامر الله

    ولو اقل من كدا فتش فى ادارتك لاول 7 ايام
    وكل نقص عن الوزن دا مقدارة 10 جرام معانة ان الوزن النهائى بتاعك هيقل بمعدل من 50 الى 75 جرام
    دا طبعا لو الامور كلها تمام

    نصيحة اخيرة اشتغل برنامج وقائى لان مفيش وقت للعلاج لو عاوز دورة ناجحة لان عمر الطير عندك 1008 ساعة وكل 24 ساعة منهم الطير لة وزنة اللى لازم يزيدة يعنى لو اتعرضت لمشكلة هتاخر النتيجة معاك يعنى استغل كل 1008 ساعة دول بقدر المستطاع

    وعلى فكرة اى سلالة وخاصة الكوب والروس لو عملت ادارة صح للقطيع الطير هيطلع كل اللى عندة من خلال جينات التسمين بتاعتة


    مع تحيات اخوكم
    المهندس عاطف عبد الدايم

  • المقال يعبر فقط عن رأى الكاتب ولا يعبر بالضرورة عن رأى الموقع

تعليقات الأعضاء
صلاح رمضان سالم    22 نوفمبر 2015
أريد أدراج أسعار أعلاف الدواجن
Sayed Elsemeh    "تاجر"    15 يناير 2016
ياريت تعرفني ايه لازمة الكراتين
Tarek Elzaabalawy    28 فبراير 2016
شكرا
Abo ahmap Abo ahmap    "محامى"    18 فبراير 2017
شكرا
الدنيا حلوه    12 أغسطس 2017
انا
عملت كل ده والكتاكيت بتاكل كويس ووزنها بيزيد بس بيجلها اسهال
للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد

الشرح المفصل لمرض الجدرى للدجاج والوقايه منه وعلاجـه.

مـرض الجدـرى هو مرض يصيب الرومي والدجاج والطيور البرية وهو فيروس ينتقل عن طريق البعوض و غيره من الحشرات ومن خلال القروح و الجروح الجلدية.

عدد المشاهدات : 48290 مرة التفاصيل

الكلى اكثر اعضاء الطير تعرضاً للظلم اثناء فترة التسمين ما اسباب الإصابة وكيفية المحافظة عليها

الكلى ما وظائفها و اسباب الإصابة وكيفية المحافظة عليها
من وجهة نظر العضو حمادة الدهشورى

عدد المشاهدات : 7512 مرة التفاصيل

النقاط الاساسية التي يجب مراعاتها في حضانة الكتاكيت

النقاط الاساسية التي يجب مراعاتها في حضانة الكتاكيت قبل وصولها إلى المزرعة لابد من التأكد من النقاط التالية فما هى ؟؟

عدد المشاهدات : 44374 مرة التفاصيل

تعرف على بعض طرق التحصين

تعرف على بعض طرق التحصين

عدد المشاهدات : 20090 مرة التفاصيل

الشرح المفصل لمرض النيوكاسل وأعراضه والوقايه منه.

يعد النيوكاسل من الأمراض الفيروسية الوبائية السريعة الانتشار والتي تسبب خسائر فادحه للمربى حيث أن هذا الفيروس له القدرة على إحداث الإصابة بالقطيع إلى 100% وكذلك نسبه النفوق إلى 100%.

عدد المشاهدات : 115396 مرة التفاصيل

حظائر الدجاج وأنواعها ومميزات كل منها.

وهي الأماكن المخصصة لايواء الدواجن سواء كان لانتاج اللحم الفروج ,او لانتاج البيض أو للتربية.

عدد المشاهدات : 43351 مرة التفاصيل

ماهى كوليرا الطيور ! واعراضها ! وعلاجها ؟

كوليرا الطيور مرض بكتيري يسببه ميكروب الباسترلا مالتوسيدا حيث يستطيع البقاء حيا في حاله معديه لمده حوالي 3 شهور إذا تواجد في فرشه رطبه ولكن الفرشة الجافة وأشعه الشمس تقتل…

عدد المشاهدات : 7121 مرة التفاصيل

نقاط هامة يجب مراعتها قبل استلام الكتاكيت.

نقاط هامة يجب مراعتها قبل استلام الكتاكيت.

عدد المشاهدات : 20372 مرة التفاصيل

نزلة البرد في الكتاكيت

السبب: تعرض الكتاكيت حديثة الفقس لتيارات هوائية باردة أثناء النقل لمسافات طويلة أو وضعها في صناديق غير محكمة الغلق، وأيضا سوء تهوية المفقس وحظائر الاستقبال وسيارات النقل وزيادة الرطوبة بهاالأعراض

عدد المشاهدات : 10797 مرة التفاصيل

هل يوجد فعلا حقن للهرمونات الجنسيه في الدواجن ام اكذوبه لا مصداقية لها ..؟

حقن الهرمونات في الدواجن حقيقه ام خيال

عدد المشاهدات : 6624 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟