• مراحل تصنيع اعلاف الدواجن م. فايز الكميلي

  • بواسطة العضو : Eng-Fayez El Kimaley

    عدد المشاهدات : 4610 مره
  • مراحل تصنيع اعلاف الدواجن م. فايز الكميلي
  • بوست عن صناعه اعلاف الدواجن الخاص بمبادره المهندس عاطف لافضل بوست علمي حقلي
    والحمد لله البوست فاز بالمركز الاول
    .السلام عليكم ورحمه الله وبركاتة
    بوست خاص بمبادره المهندس عاطف لافضل بوست علمي حقلي في صناعه الدواجن
    سأتكلم ان شاء الله عن صناعه الاعلاف وده بسبب ان الاساس في الصناعه الاعلاف بتتكلف حوالي من 60 الي70% من تكلفه الانتاج يبقي لازم يكون لها نصيب في موقع الدجاج

    بداية عشان تصنع علف وتثبت نفسك في السوق يبقي لازم تشتغل علي الجوده يعني ايه الكلام ده يعني تجيب مواد خام من مصادر موثوق منها نظيفه خاليه من الشوائب والسموم الفطريه ووالعفن والغش وطرق الغش كتير... مثلا غش مسحوق السمك باضافه الامونيا وغش جلوتين الارز باضفه الحجر الجيري .....الخ

    حاجات كتير لا حصر لها في الغش بعد ما اخترنا المكونات نيجي بقي لمرحله تكوين التركيبه هتقولي شوية ذره علي شوية صويا علي شوية جلوتين مع شوية بريمكسات مع شوية احماض امينيه ويلا يا عم الحاج قلب ونزل للفراخ....
    اقولك اسف اسف اسف لو كانت كده ما كانشي حد غلب علم صناعه الاعلاف علم كبير زيه زي علم الامراض كده كل يوم بل كل ساعه فيه جدبد من اضافات ومعدات وجوده ...الخ
    يعني عشان تعمل تركيبه لازم تكون علي علم ومن متخصص وما اكثرها التركيبات عالنت ولكن للاسف خطأ تمام جبنا المواد الخام والتركيبه

    نيجي بقي للتصنيع وده اهم حاجه العلف فيه منه نوعين ... (علف ناعم وعلف محبب) الاول لا يحتاج شغل كتير وده كانوا شغالين بيه زمان قبل العلف المحبب وله مميزات وعيوب كتير لا اقول لك انه موش كويس ولكن الافضل العلف المحبب لمميزات كتير جداااااااااا

    اول مراحل التصنيع الجرش ودي طبعا مرحله مهمه جدا في المرحله دي بنجرش كل المكونات وننعمها بأقطار وغرابيل معينه لسهوله الخلط والتجانس بعد كده والكبس وسهوله الهضم وعدم تجريح الامعاء ويدخلك في اسهالات وعلف غير مهضوم وكولستريديا ......الخ مشكله

    بعد الجرش تيجي مرحله الخلطه هنا بقي الفنيات كلها لابد من تجانس الاضافاات الصغري اولا ثم بعد كده يتم اضافتها علي المواد الكبري مثل الاذره والصويا... والحمد لله طبقت النظام ده في مصنع شغال فيه وصممت خلاط بريمكسات وله مقطع فيديو عالنت اكتب عاليوتيوب خلاط بريمكسات فايز الكميلي ونتايج ممتازه بفضل الله بعد كده يجي وقت الخلط في الخلاط الكبير وده له وقت معين تقريبا من 3.5 الي4.5 دقيقه عشان يعطي افضل تجانس وتوزيع للخامات

    نيحي بقي للمرحله المهمه ايضا وتعتبر مايسترو صناعه الاعلاف مرحله الكبس ودي بقي اللي الكل بيتكلم عليها اليومين دول ويقولك العلف المطبوخ بيسبب السرطان وبيعمل حاجه اسمها الاكرالاميد وده تفاعل بينتج اثناء طبخ العلف في الكوندينشر ولكن المعلومه للاسف خطأ لان التفاعل ده بيتم علي درجه حراره 120 م وتصنيع اعلاف الدواجن بيتم علي درجه حراره من 60 الي 85 م درجه مؤيه لو زادت عن كده يبقي الادويه والفيتامينات والعلف اتحرق ولو قلت عن كده يبقي العلف ما اطبخش كويس يعني شيل من راسك موضوع الاكرلاميد ده طبعا مرحله الكبس بيكون لها كميه بخار 40 ك بخار لكل طن علف فتحه المواسير الداخله بيكون لها اقطار معينه فتره الطبخ لا تقل عن 1 دقيقه رطوبه العلف عند الكبس لا تقل عن 16 فنيات كتير لا حصر لها

    نيجي بقي لمرحله التبريد ودي بيحصل فيها تبريد العلف لانه بيكون درجه حرارته عاليه جداا فيتم تبريده وسحب نسبه ناعم اثناء التبريد مع الهواء الساخن واعادة تصنيعها مرة اخري

    بعد التبريد يتم غربله العلف ونسبه الناعم الناتجة بتم رجوعها مرة اخري لاعادة تصنيعها بعد كده يبقي منتج نهائي ودرجه رطوبته حوالي 11

    اللي عايز اوصلهولك في البوست ده ناس كتير عايزه تصنع علفها بنفسها عشان توفر في التكاليف او عشان تجيب مواد خام نظيفه او عشان تضيف اعشاب لان الاعشاب لا تصلح في العلف المطبوخ لان درجه الحراره بتكسر المواد الخام
    يبقي نصيحه يا تجيب علف من مصدر موثوق منه يا يكون عندك خبره في تصنيع الاعلاف عشان الشغلانه دي موش حمل انك تخاطر فيها وبالذات في حاجه تكلفتها حوالي70% من تكلفه الدوره

    طبعا ده اختصار لعمليات كتير جدا في مراحل تصنيع الاعلاف لو اتكلمت فيها موش عا يكفي كتاب لان صناعه الاعلاف علم وفن
    تحياتي لكم

    الحمد لله البوست فاز بالمسابقه في جروب ملتقي مربي الدواجن المهندس عاطف

  • المقال يعبر فقط عن رأى الكاتب ولا يعبر بالضرورة عن رأى الموقع

للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد

زيادة الإنتاج لدواجن التسمين البيضاء

بسم الله الرحمن الرحيم -السلام عليكم ورحمه الله وبركته- كثير من مربي دواجن التسمين البيضاء يفكر في زيارة الإنتاج والوصول إلى افضل معدل من الإنتاج وزيادة الأرباح وزيادة النمو الاقتصادي…

عدد المشاهدات : 4775 مرة التفاصيل

طرق انتقال المرض في الدواجن

طرق انتقال أمراض الدواجن بصورة عامة هناك طريقتان لانتقال أمراض الدواجن وانتشارها من طائر لآخر

عدد المشاهدات : 5239 مرة التفاصيل

اسباب العرج فى الدواجن

عدد المشاهدات : 14104 مرة التفاصيل

مميزات تربية البط و التربية المبسطة للبط في الارياف

تنتشر تربية البط انتشارا كبيراً في القرى و يقوم الفلاحون بتربيته بطريقة بدائية و بأعداد محدودة في بيوتهم.


حيث يستفاد من طبيعة البط في أنه أكثر الطيور عشقاً للمياه بل…

عدد المشاهدات : 5434 مرة التفاصيل

معلومات مفيده عن بعض طرق التحصين .

معلومات مفيده عن بعض طرق التحصين .

عدد المشاهدات : 22267 مرة التفاصيل

ترجمة للملخص البحثى لبحث عن تاثير اضافة مزيج من الاحماض العضوية على علائق بدارى التسمين لايقاف ضرر ميكروب الكلوستيريديا (Clostridium perfringens)

نستكمل معا رابع ترجمة لملخص بحثى حديث ليطلع المربى والدارسين من كلية الطب البيطرى والزراعة على الابحاث العلمية الحديثة فى مجال استخدام الاحماض العضوية .

عدد المشاهدات : 3017 مرة التفاصيل

تعرف على طريقة عمل مضاد سموم

معلومه مهمه جدا للناس اللي بتدور علي مضاد مسوم وغسول في نفس الوقت ويكون قوي وكفائه وابن ناس ومحترم .... بعض المربيين بتقول انا بستعمل الخل وبيؤدي نفس الوظيفه ..…

عدد المشاهدات : 16858 مرة التفاصيل

الالتهاب الكبدي الفيروسي في البط Duck virus hepatitis

تنتقل العدوى عن طريق الغذاء الملوث بالفيروس القادم من زرق بط مصاب وذلك بأحد طرق نقل العدوى المعروفةوهو مرض يصيب صغار…

عدد المشاهدات : 4964 مرة التفاصيل

ظاهرة الموت المفاجئ (SDS) فى قطعان دجاج انتاج اللحم Sudden Death Syndrome (SDS) in Broiler Chicken

سمي المرض بهذا الاسم بسبب نفوق الطيور المصابة فى فترة وجيزة جداً خلال ثوان أو دقائق قليلة.....

عدد المشاهدات : 19808 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟