• البوست الثاني :- فنيات الاسبوع الاول من التحضين للكتاكيت - تربية الدواجن بأبسط صورة

  • بواسطة العضو : Eng-Fayez El Kimaley

    عدد المشاهدات : 9199 مره
  • البوست الثاني :- فنيات الاسبوع الاول من التحضين للكتاكيت - تربية الدواجن بأبسط صورة
  • السلام عليكم ورحمة الله وبركاته
    ان شاء الله سيتم تنزيل سلسله من المنشورات المبسطه في تربيه الدوان
    للمهندس فايز الكميلي تابعونااااااااااا

    البوست الثاني

    فنيات الاسبوع الاول من التحضين للكتاكيت
    بداية الاسبوع الاول من تحضين الكتاكيت بعتبره المايسترو يعني ايه الكلام ده يعني لو استقبلت استقبال كويس من تدفئه وحراره ورطوبه وعلف وميه ورعايه يبقي ان شاء الله عا تطلع باعلي وزن في الاسبوع الاول

    - ملحوظة:- كل جرام تكتسبه في الاسبوع الاول بيعطيك 10 جرام في العمر الكبير يعني وزن كتكوت اول اسبوع 200 جرام وكتكوت اخر 190 في العمر الكبير ال200 جرام تلاقيه وزنه اعلي من 190 بي100 جرام فرق عن وزن الثاني ما علينا اللي عايزك تفهمه لارم تهتم بالاسبوع الاول

    طيب المفروض تعمل ايه
    اقولك تستقبل علي علف وبلاش قصه اجوع الكتاكيت عشان امتصاص كيس المح لان ثبت علميا ان الاستقبال علي العلف والماء افضل بكتير انك تستقبل مياه فقط تحضر المياه وفيها ادويتك قبل الاستلام وفيها ادويه الاستقبال اقولك عليها بعدين

    - حراره الحضانه 33 رطوبه 65 تقريبا
    استلام الكتكوت تشوف فيه التهاب سره ولا لا تشوف فيه احمرار في العرقوب تشوف الحيويه تقلبه علي ضهره اتعدل لوحده خلال 3 ثواني يبقي كتكوت محترم وابن ناس ويعدي معاك الدوره سلم وما اتعدلش سيبك منه وارفضه لانه عا يتعبك تشوف وزنه 40 جرام ولا اكتر ولا اقل الطبيعي 40 جرام لو بشاير يبقي 32 اخر حاجه تشوف العيون براقه فيه عطسه ولا لا شهقه تشوف ريش الجناح لو الريش الابيض باين يبقي ده كتكوت بايت سيبك منه عا يتعبك بعدين لاقيت كل حاجه تمام استلمت الدفعه

    - تعالي بقي للامراض المحتمله للاسبوع الاول عندك امراض بكترية وفطرية وتنفسية عشان كده لازم نستقبل علي ادويه تصد كل ده افضل ادويه جربتها كولستين وسبرو او كولستين وانرو او نيو مايسن وسبرو او انرو او سبرو وكولستين وتايلوزين كله شغال وزي الفل وده عشان يقيك من عدوي الايكولاي والسالمونيلا لانها بتيجي من المعمل او من الامهات ايضا الميكو بلازمه اللي هي العطسه او الطشمه او crd عشان كده لازم تستقبل علي مضاد حيوي ممكن تستقبل 12 ساعه فيتاميناا و12 ساعه مضاد حيوي لمده ثلاث ايام زي الفل بعد كده تنزل جرعتين فيتامينات وجرعتين املاح وبكده نكون خلصنا الاسبوع الاول

    - فيه حاجه اسمها برو بيوتك وسيمبيوتك وفيتو بيوتك وبريبيوتك الخلاصه دول بكتريا نافعه بتنزلهم بعد العلاج بالمضاد الحيوي او قبل العلاج عشان ينشطوا الفلورا بتاعه الامعاء ويزودوا الخملات villi ويزودوا الهضم والامتصاص

    - ايضا لو عدد صغير ممكن تستخدم الفيتو بيوتك اللي هي الاعشاب منها الكوركم والزعتر والثوم روووووووعه بتزود الخملات وتنعشها وبترفع مناعه الطائر وبترفع تتر التحصينات وبتزيد الوزن الشغل الحديث حاليا شغل الاعشاب

    - التهويه خلي بالك منها واحذر تواجد الامونيا في العنبر لانها اكبر مثبط مناعي وممكن يبهدلك الدنيا

    - ايضا التطهيرا للعلافات والمساقي كل يوم وعدم تراكم علف في اطباق التحضين ونمو الفطريات عليه

    والي اللقاء في الاسبوع الثاني من التحضين
    تحياتي


    م. فايز الكميلي
    استشاري تغذيه دواجن
  • البوست الاول :- خطوات استلام الكتاكيت - تربيه الدواجن بأبسط صورة

  • المقال يعبر فقط عن رأى الكاتب ولا يعبر بالضرورة عن رأى الموقع

تعليقات الأعضاء
محمد القويري    "محاسب"    05 مارس 2017
ممتاز بارك الله لك
Ahmed Elshahat    16 مارس 2017
ماشاءالله تسلم ربنا يبارك فيك
قباكه الروش    17 مارس 2017
ربنا يبارك أنا عايز كتكيت عمر يوم محتاج ألف ولا 500
Eng-Fayez El Kimaley    "استشاري تغذيه الدواجن ومشرف علي مصانع اعلاف دواجن"    25 إبريل 2017
شكرااااا جزيلا
Ahmed ELhamshary    "موظف"    18 مايو 2017
الله ينور ياهندسه
شعبان طه    20 يونيو 2017
ربنا يستريه عليك ياهندسه
بندق البيسي    06 يوليو 2017
والله طمنتني وشجعتني علي التجربة وووشكرا
لمين هعيش    05 أغسطس 2017
ربنا يجزيك كل خير ممكن لو تكرمت رقم تليفونك لاى استفسار من حضرتك
شريف الباسوسى    "صاحب ومدير مزارع الباسوسى للبط البلدى والدجاج البلدى"    13 أغسطس 2017
موضوع جميل شكرا
Eng-Fayez El Kimaley    "استشاري تغذيه الدواجن ومشرف علي مصانع اعلاف دواجن"    20 أغسطس 2017
01278988686
محمد فرفور    03 سبتمبر 2017
لو تكرمت استفسار يوجد عندى بعض الفراخ بتظهر عليهم احمرار العين ثم قفل العين نهائى اعمل اية
سعيد عبد الجواد ابراهيم    "محاسب"    05 سبتمبر 2017
كلام جميل الله يفتح عليك بس احسن دواء للاستقبال انا شخصيا مجربة انرو وكولستين مش عارف ليه التايلوزين مابيجبش معايا نتيجة في التحضين لكن بيجيب معايا نتيجة في الاسبوع الثالث
للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد

تعرف على مرض التهاب السره عند الدجاج واسبابه والوقايه منه وعلاجه.

تعرف على مرض التهاب السره عند الدجاج واسبابه والوقايه منه وعلاجه.

عدد المشاهدات : 26035 مرة التفاصيل

تعرف على القلش الإجبارى للطيور البياضة وفوائده وبرنامج يوضح طريقة عمله.

تعرف على القلش الإجبارى للطيور البياضة وفوائده وبرنامج يوضح طريقة عمله.

عدد المشاهدات : 10525 مرة التفاصيل

طرق معاملة نفايات الدواجن والاستفادة منها

ما هى طرق معاملة نفايات الدواجن والاستفادة منها

عدد المشاهدات : 5652 مرة التفاصيل

شرح لأهم الامراض الفیروسیة التي تصیب الدواجن الماريك - النیوكاسل - الالتھاب الشعبي المعدي - الجامبورو - الجدري

هنتكلم عن الامراض الفيروسية المنتشرة الماريك: range paralysis or acute leukosis) Marek`s disease) - النیوكاسل : Newcastle disease - الالتھاب الشعبي المعدي : Infectious Bronchitis - الجامبورو : (Gumboro (Infectious bursal disease - الجدري : Fowl pox

عدد المشاهدات : 6434 مرة التفاصيل

الإسهال الأبيض عند الدجاج - البللورم.

الإسهال الأبيض عند الدجاج ( البللورم ) هو من الأمراض الخطيرة جدا في مجال تربية الدواجن و قد يسبب خسائر اقتصادية كبيرة جدا تنعكس على المربي في حال شراء صيصان مصابة بالمرض.

عدد المشاهدات : 38759 مرة التفاصيل

الجزء الاول :- ترجمة لشرح تفصيلي عن محاضرة د / جون جلبيسون من جامعة جورجيا بأمريكا عن الميكوبلازما.

كلام مهم لكل المربين والدارسين ,عن الميكوبلازما نركز شوية الموضوع قسمته الى ثلاث اجزاء , كل ما يخص الميكوبلازما.

عدد المشاهدات : 2008 مرة التفاصيل

تعريف مرض الكوكسيديا فى الدواجن و أعراضة

تعريف داء الكوكسيديا هو مرض طفيلي ينتج عن الاصابة بالاوالي من جنس الايميرية, يتصف مرض الكوكسيديا بإسهال والتهاب الأمعاء في الطيور الداجنة والتهاب الكلية في الإوز. وتصيب الايميرية الدجاج أساسا…

عدد المشاهدات : 15064 مرة التفاصيل

مقاله مهمه لمحاولة فهم ماهى السموم الفطرية

باختصار شديد ان السموم الفطريه من الاشياء التى توثر بالسلب بشكل كبير على الدجاج بجميع انواعه تسمين وبياض وامهات ودى بعض المشاكل الى ممكن…

عدد المشاهدات : 6798 مرة التفاصيل

تعرف على انزلاق الوتر عند الدواجن و اعراضه والوقايه منه وعلاجه.

تعرف على انزلاق الوتر عند الدواجن و اعراضه والوقايه منه وعلاجه.

عدد المشاهدات : 12905 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟