• كيف يتم الخلاص من سارق اللحم فى الدجاج (الكوكسيديا والكلوستريا)؟؟؟

  • بواسطة العضو : Ashraf Alsharqawy

    عدد المشاهدات : 11297 مره
  • طبعا اغلب الناس خبراء او غيره فى صناعة الدواجن عارفين ايه اللى بتعملوا (الكوكسيديا والكولسترديا) فى امعاء الطائر وايه اعراضها وكمان لم ما اهتمتش بالعلاج من بدرى هتحصل كوارث فى القطيع منها الاصابه بالجمبورو والنيوكاسل وكمان فقد الشهية وقلة استهلاك العلف وانعدام التحويل .. تمام .. طب ايه الحل ؟؟!!!

    اولا :: لازم تكون قادر تلاحظ فى العمر الصغير الاسهالات وخصوصا العسلى وفقد الشهية هنا لازم تنزل بعلاج الكوكسيديا ويفضل امبرول وك3. وده ماقبل عمر 10 ايام
    .
    ثانيا : اذا ظهرت الاسهالات دى تانى وفقد الشهية بعد ال عمر 10 ايام يبقى لازم تنزل بالليل ركز بالليل امبرول وك3 واموكسى .. بس بشرط تكون منزل بالنهار مضاد سموم كويس يحتوى على احماض امينية ومنشط كبد محترم زى بروتى فيت ومعاه بالنهار غسيل كلوى ما بيعملش التهابات فى الكلى او يرفع حموضة المعدة زى مثلا الكوندشن ودى مستحضرات مستورده وكويسة وده هيكون لمدة 3 ايام .. هتلاقى بكده انك مسحت الكوكسيديا والكولسترديا مسح .

    ثالثا .. لو اتكرر الموضوع ده تانى قبل العشرين هتكرر تانى بس لو ظهر اى اصوات تنفسية هتستبدل الامبسلين مكان الاموكسى فى الجرعة والباقى زى ما هو بالنهار ..

    رابعا .. وده المهم لو ظهر المرض ده تانى بعد العشرين هنا الخطورة بقا .. لازم تنزل العلاج السابق زى ما ذكرنا وبعد 3 ايام لازم تاخد بالك انه بيكون جدار الامعاء به تهتكات يبقى بعد العلاج لازم تنزل حاجة تعيد بناء طبقة الميكوفلوا من تانى بعيدا عن الاحماض او الكيماويات زى مثلا منتج اسمه ليزوزيم هتضيف ربع جرام على 1سم لبن منزوع الدسم لمدة 8 ساعات يوميا وبالليل وشوف الفرق على صحة القطيع وسحبة فى العلف والتحويل .

    د:اشرف الشرقاوى
    استشارى بالمكتب العلمى V.LAMBORDA
    ماجستير تغذية الدواجن

    اللهم انا نسالك التوفيق والسداد

  • المقال يعبر فقط عن رأى الكاتب ولا يعبر بالضرورة عن رأى الموقع

تعليقات الأعضاء
Ahmed Gomaa    "مدرس"    22 أغسطس 2016
طيب لو سمحت يدكتور اليزوزيم دة عبارة عن اية وهل يجوز استخدام الخميرة مع اللبن لبناء الجدار او الفيتامينات مع اللبن أده3ارجو الاهتمام والرد
Ashraf Alsharqawy    "استشارى تسمين دواجن"    29 أغسطس 2016
يضاف فقط مع اللبن منزوع الدسم وكذلك اد3ه وهو عبارة عن انزيم ببناء لخملات الامعاء وجداره مما يساعد على التئام الجدار والخملات بسرعة وعودة الفرخ الى صحته وحيويته .
علي عبدالرافع عبدالصبور    "مربي دواجن تسمين"    23 سبتمبر 2016
جزاك الله خير يادكتور
للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد

معلومة ع الماشى عن الاجهاد الحرارى فى الدواجن

الأسبرين(حمض الأستيل سالسيلك أسيد) ....:

عدد المشاهدات : 6522 مرة التفاصيل

بعض النصائح المفيده للوقايه من أمراض الدواجن

هنا بعض النصائح المفيده للوقايه من أمراض الدواجن يجب معرفتها جيدا .

عدد المشاهدات : 38017 مرة التفاصيل

استخدام الانزيمات في اعلاف الدواجن

دور الأنزيمات في أعلاف الدواجن
من المعروف أن الدواجن غير مجهزة بصورة جيدة لهضم معظم العناصر الغذائية ولذلك فإن إضافة الأنزيمات إلى أعلاف الدواجن تساعد على تحسن القيمة الهضمية كما…

عدد المشاهدات : 827 مرة التفاصيل

مرض الماريك وأعراضه وطرق العدوى والوقايه منه وعلاجه

مرض الماريك هو مرض فيروسى سرطانى خبيث كابت للمناعة يصب الدواجن ابتداء من عمر 6 أسابيع ولكنه ينتشر عاده في الدجاج البالغ مابين 12 إلى 24 أسبوع و فترة حضانة المرض حوالي 6 أسابيع

عدد المشاهدات : 35187 مرة التفاصيل

مراحل تصنيع اعلاف الدواجن م. فايز الكميلي

بوست عن صناعه اعلاف الدواجن الخاص بمبادره المهندس عاطف لافضل بوست علمي حقلي
والحمد لله البوست فاز بالمركز الاول
.السلام عليكم ورحمه الله وبركاته
بوست خاص بمبادره المهندس عاطف لافضل…

عدد المشاهدات : 4631 مرة التفاصيل

الحلقة الثانية من الفيروسات فى مزارع الدواجن وكيفية مواجهتها - التعامل مع الأى بى

الحلقة الثانية من الفيروسات فى مزارع الدواجن وكيفية مواجهتها - التعامل مع الأى بى

عدد المشاهدات : 40885 مرة التفاصيل

السلامة المعوية وأثرها فى أعطاء اعلى معدلات أوزان فى الدجاج

تعتبر أمعاء الطيور بمثابة المصنع الذى بواسطته يتم تحويل البروتين الرخيص نوعاً (العلف) إلى بروتين أغلى (اللحم) وإذا حدث عطب في هذه الأمعاء أدى بالضرورة إلى إختلال المنظومة . فيجب…

عدد المشاهدات : 8640 مرة التفاصيل

برنامج تطهير مزارع الدواجن

بيع السبله ويتم عمليه التكحيت والكنس داخل العنبر عده مرات وذلك للتخلص من بقايا السبله من الدوره السابقه....

عدد المشاهدات : 20879 مرة التفاصيل

الأعمار الأكثر حساسية للإصابة ببعض الأمراض فى التسمين او الامهات او البياض

هنتكلم عن حاجة مهمة جدا لاى مربى تسمين او امهات او بياض..

عدد المشاهدات : 5402 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟