• الامن الحيوي خط الدفاع الاول في مزارع الدواجن

  • بواسطة العضو : Eng-Fayez El Kimaley

    عدد المشاهدات : 3876 مره
  • الامن الحيوي خط الدفاع الاول في مزارع الدواجن
  • السلام عليكم ورحمه الله وبركاته
    اليوم باذن الله سأتكلم عن جزأ من الامن الحيوي وهو كيف تتخلص من النافق بطريقه صحيحه وأمنه ايضا كيف تصنع الكمبوست داخل العنبر .؟
    طيب ممكن حد يسألني سؤال انا ليه ادفن النافق واتعب نفسي انا برميه علي طول للكلاب تاكله او برميه علي الطرق بعيد عن مزرعتي او برميه قي الترع والمصارف عشان انمي الثروه السمكيه ......؟ اقولك للاسف انت خطأ. لعده اسباب
    .لما بترمي النافق علي الطرق انت كده بتنقل العدوي لجيرانك وبتنشر الوباء حواليك وفي الاخر ترجع تشتكي من الامراض ايضا لما بترميه في الترع والمصارف او بترميه للكلاب اكيد اكيد العدوي بتتنقل من مكان لاخر والوباء بينتشر في كل مكان يبقي انت ضريت نفسك اولا ثم ضريت جيرانك ...
    طيب الطريقه المثلي للتخلص من النافق . اقولك يا سيدي؟
    في طريقه انك تحرق النافق وفي طريقه لدفن النافق وفي طريقه لعمل النافق كمبوست ثلاث طرق افضل من بعض .
    بس خلينا احنا نتكلم عن طريقتين بس طريقه الحرق وطريقه الدفن
    *طريقه الحرق وهي بيكون عندك محرقه ممكن تصنعها يدويه والنافق اليومي بترميه فيها وتتخلص منه يوميا بس المحرقه تكون في الجهه القبليه تحت الرياح وخلاض كده يبقي مفيش كلاب تنقل النافق مفيش وباء انتشر لانك حجمت الوباء وتخلصت منه فورا.....؟
    *طريقه الدفن ودي طريقه انا بفضلها جدا جدد جدا لانها غير مكلفه ومرهقه مقارنة بالحرق وامنه غير كده بتستفيد بالنافق بتحلله والحصول علي سماد عضوي امن 100في المئه وبما انا مهندسي زراعي اقولك علي طريقه للتخلص من النافق وتسميد شجر الفاكهه ببلاش ياعم ههههههههه.
    نيجي عند شجره الفاكه وتحفر جوره ولتكن 40 سم في 40 سم علي جانبي الشجره وتحط شويه جير حي اسفل الجوره ثم شويه غرايق مطلعها من العنبر ثم تغرقها ميه وتحط النافه ثم وضع جير فوق النافق ثم شويه غرايق وتردم الجوره دي بالتراب والكبس تأكد ان الشجره دي عا تطلعلك فراخ موش فاكهه بسبب كميه العناصر الموجوده فيها....
    طيب انا معنديش شجر فاكهه وشغال في الفراخ بس اعمل ايه احرق ولا ارمي للكلاب ولا ولا .....
    اقولك محلوله احفر حفره ولتكن متر في متر ونصف بعيد عن العنبر وافرد طبقه جير ثم رص النافق فيها ثم رش جير ثم طبقه تراب ثم جير ثم نافق ثم جير ثم تراب .......... وهكذا الحفره دي ممكن تعدي بيها دورتك يبقي تخلصت من النافق بطريقه سليمه وامنه وقيمه غذائيه للاشجار ممتازه وما نشرتش الوباء وحجمت الامراض
    كده خلصنا من التخلص من النافق بطريقه سليمه وامنه..
    نيجي بقي علي طريقه عمل الكمبوست للسبله وهي لسه في العنبر وده عنوان الموضوع القادم ان شاء الله
    تحياتي
    م.فايز الكميلي

  • المقال يعبر فقط عن رأى الكاتب ولا يعبر بالضرورة عن رأى الموقع

للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد
تربية دجاج التسمين في المنزل

تربية دجاج التسمين في المنزل

برنامج مصغر للاعداد الصغيرة وغير مكلف مراعاة ل ست البيت ودة فعلا متجرب وشغالين بيه ...

عدد المشاهدات : 4966 مرة التفاصيل
الجمع بين اللقاحات الحية والميتة :  combined live and killed vaccination

الجمع بين اللقاحات الحية والميتة : combined live and killed vaccination

الطريقة الاكثر فاعلية لتحقيق اعلى مستوى تجانس للاجسام المناعية المضادة للمرض هى استخدام واحد او اكثر من اللقاحات الحية المحتوية على الانتيجين الخاص بالمرض متبوعة بالانتيجين الميت . القاحات الحية تعطى المناعة الرئيسية للجهاز المناعى وتوفر اجسام مناعية بدرجة جيدة جدا عندما يعطى اللقاح الانتيجين الميت

عدد المشاهدات : 1726 مرة التفاصيل

السلامة المعوية وأثرها فى أعطاء اعلى معدلات أوزان فى الدجاج

تعتبر أمعاء الطيور بمثابة المصنع الذى بواسطته يتم تحويل البروتين الرخيص نوعاً (العلف) إلى بروتين أغلى (اللحم) وإذا حدث عطب في هذه الأمعاء أدى بالضرورة إلى إختلال المنظومة . فيجب…

عدد المشاهدات : 7471 مرة التفاصيل
مجموعه من اغرب صور للدجاج فى العالم.

مجموعه من اغرب صور للدجاج فى العالم.

مجموعه من اغرب صور للدجاج فى العالم.

عدد المشاهدات : 20448 مرة التفاصيل
الإوز. معلومات بسيطة عن الاوز و الامراض التى يتعرض لها

الإوز. معلومات بسيطة عن الاوز و الامراض التى يتعرض لها

معلومات أولية وبسيطة عن الاوز و الامراض التى يتعرض لها

عدد المشاهدات : 2242 مرة التفاصيل

ظاهرة الموت المفاجئ (SDS) فى قطعان دجاج انتاج اللحم Sudden Death Syndrome (SDS) in Broiler Chicken

سمي المرض بهذا الاسم بسبب نفوق الطيور المصابة فى فترة وجيزة جداً خلال ثوان أو دقائق قليلة.....

عدد المشاهدات : 14390 مرة التفاصيل

تعرف على مرض التهاب السره عند الدجاج واسبابه والوقايه منه وعلاجه.

تعرف على مرض التهاب السره عند الدجاج واسبابه والوقايه منه وعلاجه.

عدد المشاهدات : 21760 مرة التفاصيل

الفرشه فى مزارع الدواجن Litter

الفرشه فى مزارع الدواجن
يجب التاكد من خلو الفرشة من اى تلوث من الطحالب او الفطريات حيث ان اى تلوث بالطحالب ممكن ان سيبب فى اضرار بالكبد والكلى بالاضافة الى امكانية تراكمها…

عدد المشاهدات : 5365 مرة التفاصيل
الليمون مع عصير القصب (الخلطة السحرية رقم 2 د.ياسر البهى)

الليمون مع عصير القصب (الخلطة السحرية رقم 2 د.ياسر البهى)

يتم عصر كيلو ليمون بقشرة مع 5 أكواب عصير قصب ويوضع مع 500 لتر ماء وتكون سقوة فى الصباح او المساء (من عندة خلايا تبريد تكون فى اى وقت)

عدد المشاهدات : 27393 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟