• نبذه بسيطه عن تربيه الدواجن قسم التسمين من وجهة نظري

  • بواسطة العضو : MOHAMED abd elmonem

    عدد المشاهدات : 19045 مره
  • نبذه بسيطه عن تربيه الدواجن قسم  التسمين من وجهة نظري
  • بسم الله الرحمن الرحيم
    في البدايه
    انا مش هطول عليكوا ان هتكلم عن التربيه من اول يوم لحد 40 يوم يوم ^البيع^ باختصار شديد
    اولا الكتكوت لازم يكون من شركه كويسه جداا و مضمونه باختصار شديد لان لو فرخ الاهالي محولش مش هيسال عنك ولا هيعبرك مش كل الاهالي بس في الاغلب كده و عن تجربه
    لكن فرخ الشركات بيهتموا بيه جدااا و لو حصله حاجه بتعرف ترد عليهم و تاخد حقك
    و اختيار السلاله اهم من اي حاجه و لازم يجيلك مع الكتاكيت دليل اسمه دليل التربيه او دليل السلاله ووجوده ضروري جدااا
    حاول تهتم بيه و تقراه من اول يوم لاخر يوم و تطبقه الي حدا ما
    هنبدا نتكلم عن الايام الاربعين كامليه
    في اول يوم اول اما يجيلك الكتكوت افحصه كويس و هو في القفص بتاعه
    و هات سقايه و اوزنها و خد 10 كتاكيت و حطهم فيها لو و وزنهم كان مابين 360 _410 جم كويس جدا بعد خصم وزن السقايه كررها 3 او اربع مرات لو كان المتوسط كده تمام نزل الكتكوت لو كان تحت 360 ب جرام واحد يا ترجع الكتكوت يا تخصم الفرق لانه بيتحط تحت مسمي بشاير و ده بيتعب في النمو و الفرج اكتر من 50 _75 قرش في الكتكوت يعني مش قليل
    او لو كان الكتكوت فوق 410 ده لازم يرجع لانه من ام كبيره في السن و غالبا مناعتها بتكون ساقطه و بيعمل خراب كبير و خساره كبيره و اكثر عرضه للفيروسات
    و بعد ما تنزل الكتكوت حاول تفرش كراتين في مكان التحضين و مهم جدا وجودها و حط عليها علف قليل و حط سقايات بحيث لكل 100 كتكوت سقايه وبعد اما العلف اللي علي الكراتبن يخلص اجمع الكراتين و احرقها بعيد عن العنبر و بكده يبقا حضرتك خلصت من السالمونيلا نهائيا او اجزء كبير منها و الوقايه خير من العلاج بمعني اصح
    و بعدها نزل الاطباق الخاصه بالتحضين و حط فيها تقريبا ربع كيلو علف و اعلف بانتظام و يستحسن تستقبل الكتكوت علي عسل اسود 4 سم/لتر او سكر معلقه صغيره /لتر لمدة 6 ساعات او لما اللي في السقايات يخلص او ابدا بالدواء علطول مفيش مشاكل الدواء هيكون تيلوزين و كولستين سم/لتر و لمدة 3 ايام و من اليوم الرابع حط املاح علشان عصب الفرخ و الافتراس و ادويه للاسهالات و اليوم الخامس حصن هتشنر اي بي امبول للالف فرخ و احقن ثنائي ^انفلوانزا طيور و نيوكسيل ^ هتلاحظ خمول للكتكوت متخافش ده طبيعي و كمل علاجك ل 7 ايام و بعد 7 ايام روح للدكتور و اسمع مني و متجربش في نفسك و هو هيعملك برنامج كويس و هيمشيك عليه لاخر يوم و كرر الزياره اسبوعيا للاطمئمنان الكامل
    بعد 3 ايام وسع تدريجي لحد لما توصل ل 20 يوم تكون فاتح في العنبر كله
    درجة الحراره في التحضين 30 درجه مئويه و بعد اول 7 ايام ممكن تنزلها ل 28 درجه مئويه و لحد 30 يوم بعدها من 22_ 26 درجه مئويه مناسبه لحد 40 يوم و تبيع بعدها لو الفرخ كان جاب متوسط 1.9 كجم و اكل 3.5 كيلو علف قبل كده متبيعش الا لو كان دخل فيرس لانك بالمختصر بتبيع بالكيلو مش بالفرخه
    بالنسبه للشبابيك اللي محدش اتكلم عنها خالص في اول 3 ايام قفل تام سواء ستاره و شبابيك
    بعد 3 ايام سبع شباكين في الصف القبلي اللي فوق فقط يعني كل صف شباكين بطول الحضانه لحد عمر 7 ايام و من سبع ايام سبع قبلي و بحري فوق و اتحكم في حجم السبعه علشان تضبط درجه الحراره لحد 12 يوم و بعده سبع قبلي تحت لحد 15 يوم ومن 15 يوم سبع قبلي و بحري تحت و فوق و حافظ ع درجة الحراره المطلوبه
    علي حسب حجم السبعه و لحد 28 يوم و بعدها وسع السبعه شويه علشان الفرخ بيبقي كبر و محتاج هوا كتير دي للاسف فترة الفيروسات الهم كله فحافظ ع التعليمات بحيث الفرخ ما يبردش او يتكتم عليه و صدقني هتنجح انا قولت مش هطول في البدابه بس مقدرتش لاني كان لازم اذكر معظم جوانب التربيه و اسف ع الاطاله و التربيه مدارسه و لكل مدرسه طريقتها

    مهندس : محمد عبد المنعم الفرخ اللي في الصوره 35 يوم

  • المقال يعبر فقط عن رأى الكاتب ولا يعبر بالضرورة عن رأى الموقع

تعليقات الأعضاء
محمد غريب    04 فبراير 2016
الله عليك يادكتور
Ahmed Yakout    "صاحب مزرعة"    04 فبراير 2016
مشكور على الشرح الممتاز
يوسف محمدحامد    04 فبراير 2016
عندي مشكلة جزاكم الله خيرا كتاكيت عمر أسبوع رقبتهم بتداء تلف لدرجة كانه بتربط ويقلب راس الكتوت لتحت والموضوع كل يوم بيزيد ربنا يكرمك
Waleed Tallaat    "Accountant"    04 فبراير 2016
خلى بالك ديه اعراض نيوكسيل عصبى روح لمعمل محترم وشىرح وربنا يسترها عليك
Ahmed Farouk    07 فبراير 2016
عندى كتاكيت بتفتح بقها وتقفله زى ماتكون بطلع فى الروح ايه العلاج
ماهر سعدالله    08 فبراير 2016
دى مايكوبلازما عالجها عشان اضراها توابعها وده عيب من الام من المعمل
ابو جنا للالمونيتال    16 فبراير 2016
لايه الفرخ بيموت من غير سبب عمر 31 يوم
اشرف زکی    18 فبراير 2016
حکمه ربنا
Om Omar    21 فبراير 2016
كيف اعطى دواء المناعة ومتى
Tarek Apdalaziz    "مربى."    28 إبريل 2016
المشكله الى بيقع فيها معظم المربيين انه بيعطى الفرخ فى بداية العمر مضادات حيويه كتير وبعد كده بيشتكى من سوء المناعه الحل كان فى ايد حضرتك لازم تنزل بمضاد حيوى خفيف يعنى جرعه 8ساعات فى الاسبوع علشان لما الفرخ يحتاجه تانى انزله ويكون اقوى وهنا الفرخ هيقبل المضاد الحيوى بسهوله وهيشتغل معاه وهيجيب نتيجه ..... اهم شئ نظافة المكان كويس من اى امونيا.
Mohamed Elbath    "مدرس"    16 يونيو 2016
بعد اازنك ياا رايس محتااج مكاان موثوق فى ينزلى كتاكيت والعلف والدفع كااش برجااء الرد على الميل الخااص بتااعى
علي عبدالرافع عبدالصبور    "مربي دواجن تسمين"    20 سبتمبر 2016
شكرا علي المعلومات وجزاك الله كل خير
Adham Mohammed    24 أكتوبر 2016
عايز 500 كتكوت 01149142075 فى القاهره
Bê Bő    27 أكتوبر 2016
عندى الكتكوت يكون كويس جدا بس بيموت بسبب القلب على الظهر اعمل ايه
Memo Mahros    "مهندس ديكورات الاسقف المعلقة"    17 ديسمبر 2016
شكرا عى الشرح الممتاز ونتمنى الاستفادة منكم ديما وربنا يوفقنا جميعا
للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد
تعرف على مرض المايكوبلازما فى الدواجن ( اسبابه وطرق علاجة )

تعرف على مرض المايكوبلازما فى الدواجن ( اسبابه وطرق علاجة )

المايكوبلازما ميكروب يعيش خارج الطائر لفترة تصل الى اربعة ايام, ولكن يعيش داخل الطائر لفترات طويلة جدا, اذا لم يستعمل دواء مناسب. ما هو المكان المفضل لها داخل الطائر - كيف تحدث الإصابة - ما المخاطر التى تسببها المايكوبلازما - الخ

عدد المشاهدات : 4514 مرة التفاصيل

خلطة مجربة ممتازة فى حالات التهابات الكلى المختلفه فى الدواجن

معلومة هامه عالسريع

هقولكم على خلطة مجربة والحمد لله ممتازة فى حالات التهابات الكلى المختلفى فى الدواجن

عدد المشاهدات : 32258 مرة التفاصيل
ظاهرة التقزم فى الدجاج او ما يعرف بظاهرة طائر الهليكوبتر سببها واعراضها والوقاية منها وعلاجها

ظاهرة التقزم فى الدجاج او ما يعرف بظاهرة طائر الهليكوبتر سببها واعراضها والوقاية منها وعلاجها

تعد هذه الظاهرة المرضية معدية فى المقام الأول، وتؤثر على القناة الهضمية لدجاج التسمين والبياض وتتميز بتدهور ملحوظ فى النمو ولم يعرف عن هذه الظاهرة وعدم إمكانية…

عدد المشاهدات : 7539 مرة التفاصيل
كيف يتم الخلاص من خسائر صناعة الدواجن ؟؟

كيف يتم الخلاص من خسائر صناعة الدواجن ؟؟

كتير من مربى الدواجن يشتكون من الخسارة فى تربية الدواجن .. ومنهم ناس كتير اتخرب بيتها وعلى مشارف السجون ومنهم ناس هاربين من احكام وناس تانية فى السجون ..

عدد المشاهدات : 4982 مرة التفاصيل

البرنامج الوقائي والعلاجى فى دورة تسمين الدواجن الابيض والساسو و البلدى د.ياسر البهي 2017م

البرنامج الوقائى والعلاجى _ شامل التحصينات _ فى دورة تسمين الابيض والساسو و البلدى
د/ ياسر البهى 2017 م

عدد المشاهدات : 5321 مرة التفاصيل
تصنيع اعلاف الدواجن - مرحلة الكبس

تصنيع اعلاف الدواجن - مرحلة الكبس

السلام عليكم ورحمه الله وبركاته
موضوع اليوم عن تصنيع وفنيات العلف المحبب
انتظروا سلسله كاملة عن مراحل تصنيع الاعلاف بأذن الله
طبعا فيه كذه مرحله من بدايه استلام الخامات الي…

عدد المشاهدات : 957 مرة التفاصيل

منشطات النمو للدواجن: (موضوع هام)

من الممكن زيادة معدلات النمو (زيادة الوزن) في الدواجن بسهولة... بإضافة بعض المواد إلى ماء الشرب او العليقة مثل......

عدد المشاهدات : 22191 مرة التفاصيل
تعرف على ظاهرة الموت المفاجئ فى دجاج اللتسمين

تعرف على ظاهرة الموت المفاجئ فى دجاج اللتسمين

تحدث ظاهرة النفوق المفاجئ لدجاج التسمين للسلالات سريعة النمو وخاصة الذكور من بداية العمر وحتى عمر التسوق. وقد تحدث هذه الظاهرة بمعدلات عالية بداية من الأسبوع الرابع من العمر حتى…

عدد المشاهدات : 8698 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟