• الحلقة الثانية من الفيروسات فى مزارع الدواجن وكيفية مواجهتها - التعامل مع الأى بى

  • بواسطة العضو : د.محمد الإمام

    عدد المشاهدات : 37813 مره
  • الحلقة الثانية من الفيروسات فى مزارع الدواجن وكيفية مواجهتها - التعامل مع الأى بى

  • الحلقة الثانية من الفيروسات فى مزارع الدواجن وكيفية مواجهتها



    التعامل مع الأى بى



    تعالى بقا نتكلم عن أهم الفيروسات الموجودة فى مصر



    وطبعا معروف اننا بقينا مرتع للفيروسات لكن أهمهم الإنفلونزا – الأى بى – النيوكاسل – الجمبورو.....



    طب تعالى هنا نتكلم عن الأى بى :



    ده مرض رخم جدا ومش هطول عليكم فيه كلنا تقريباً جربنا وشفنا وكتر الكلام فيه لكن أنا هتكلم بإختصار عن كيفية التعامل معاه



    - أهم حاجه إنك فى كل دورة تتعامل معاه من أول يوم عمر الكتكوت ...بمعنى إنك تظبط مزرعتك – تهويتك – فرشتك – كل العوامل اللى بتتعب الصدر إمنعها ....وخصوصاً الميكوبلازما .



    - طب والتحصين؟؟........مابيصدش وأنجح تحصين فى مصر لما اشتغلوا عليه لاقوه بيصد يادوب 40% من الإصابة يعنى مالوش لازمة (فاشل) وده بيفسر إن الناس جربت كل أنواع التحصينات وماتجيبش نتيجة والحل ان يتعمل تحصين من أخر العترات الموجوده فى السنوات الأخيرة



    وده ياحبيبى مش هتلاقيه فى مصر .



    - من عيوب المرض ده ان التحصين بيعمل صد وده لو عمل لنفس العترة فقط .



    - بيضرب التنفسى جامد وبيضرب الكلية وعشان كده لازم تركز عليهم وبلاش تجهدهم ...........اه الكلية بلاش عليها حكاية العلاج بالسلفات ووجود السموم الفطرية وكده حاول تتخلص من الحاجات المجهده لها .



    - التطهير بتاعه سهل خالص لأن الفيروس ضعيف مع المطهرات خصوصا الفنيك والفورمالين .



    - مده الحضانة 18-36  ساعه يعنى ممكن تنام وتصحى وتلاقيه بدأ عندك فى المزرعه لاقدر الله.



    - طب مدة المرض ده بقا انت وشطارتك انما الفيروس كفيروس بياخدله حوالى 2-6 ايام فى الطائر السليم اللى مافيهوش كلية تعبانة  أو صدر تعبان ....بمعنى العدوى الثانوية ....ودى غالباً بتبقى الميكوبلازما والكولاى ...... لكن الطيور المصابة بعد مايطلع منها بتفضل تفرزه من جسمها لمده 5 اسابيع.



    - تعالى بقا للجانب العلاجى :



    الفيروس ده رخم.....لو داخل معاه فيروس تانى واللى غالبا بتبقى انفلونزا إتش 9 .



    طب علاجه بيعتمد بشكل أساسى على رفع درجة الحرارة درجتين فوق معدلها الطبيعى .



    هتعالج العدوى الثانوية :



    غالباً بيبقى السى أر دى .....بتعالج بحاجه نضيف وأوعى تستخسر فى المرض ده لأنه بيصيب الفراخ فى أحسن أيام تحويلها هتنزل ( تيلمي كوزين زى الأدفوتيل أوالبالموتيل أو التيلمى الهولندى سم عال 3 لتر لمدة 12 ساعه – هتنزل رافع مناعه محترم بيحتوى على الأكنسيا - هتنزل مقشعات محترمة )



    هتعالج السموم الفطرية لو موجوده



    هتعالج الكوكسيديا والكلوستريديا كويس لو موجودين



    الأهم من ده كله انك تحافظ على الفرخ كويس قوى من العدوى الثانوية



    الخلاصة : مرض رخم....الفرخ بيحتاج عناية مركزة فى وقت المرض



     



     



    ونكمل المرة الجاية



    د.محمد الإمام


  • طريقه لعلاج الأى بى وتقليل النافق.
    الحلقة الأولى من الفيروسات فى مزارع الدواجن وكيفية مواجهتها
    فيروس ( الأي بي ib ) فى الدواجن والسيطرة عليه

  • المقال يعبر فقط عن رأى الكاتب ولا يعبر بالضرورة عن رأى الموقع

تعليقات الأعضاء
Sara Chouati    "مربي دواجن"    22 نوفمبر 2015
اخبرنا عن فيروس انفلونزا الطيور
إسلام محمد إبراهيم    26 مارس 2016
ممكن اعرف ايه اهم رافعات المناعه الي موجوده بالسوق المصري
عبدالله البصيلى    26 مارس 2016
يا رب استرها معانا الصيف الي جاي علينا وعلي مزارعنا
احمد قيشه    28 مارس 2016
اللهم امين
محمد ناصح كمال الدين    08 مايو 2016
أنا لما بعطى تحبينه المنافق بيزيد ليه يادكتور
للمشاركة وإضافة تعليقاتك وأرائك سجل دخول
أضف تعليقك

إقرأ أيضا..

» المزيد

العوامل المؤثرة على كفاءة المطهرات فى الدواجن

الكاتب دكتور مصطفى البخشونجى

عدد المشاهدات : 2664 مرة التفاصيل

مقاله مهمه لمحاولة فهم ماهى السموم الفطرية

باختصار شديد ان السموم الفطريه من الاشياء التى توثر بالسلب بشكل كبير على الدجاج بجميع انواعه تسمين وبياض وامهات ودى بعض المشاكل الى ممكن…

عدد المشاهدات : 5822 مرة التفاصيل

مفاتيح النجاح في تربية دجاج اللحم- التسمين.

مفاتيح النجاح في تربية دجاج اللحم- التسمين

عدد المشاهدات : 223651 مرة التفاصيل
الليمون مع عصير القصب (الخلطة السحرية رقم 2 د.ياسر البهى)

الليمون مع عصير القصب (الخلطة السحرية رقم 2 د.ياسر البهى)

يتم عصر كيلو ليمون بقشرة مع 5 أكواب عصير قصب ويوضع مع 500 لتر ماء وتكون سقوة فى الصباح او المساء (من عندة خلايا تبريد تكون فى اى وقت)

عدد المشاهدات : 29063 مرة التفاصيل
المرض التنفسي المزمن فى الدواجن الصفة التشريحية والأعراض الظاهرية و طرق الوقاية والعلاج !! Chronic Respiratory Disease - CRD

المرض التنفسي المزمن فى الدواجن الصفة التشريحية والأعراض الظاهرية و طرق الوقاية والعلاج !! Chronic Respiratory Disease - CRD

السلام عليكم . هنتكلم انهارده عن مرض خطير جدا ومنتشر وبيسببلنا مشاكل كتسر فى الجميع انواع الدجاجواللى كلنا اتعرضناله او شوفناه

عدد المشاهدات : 16454 مرة التفاصيل
هل يوجد فعلا حقن للهرمونات الجنسيه في الدواجن ام اكذوبه لا مصداقية لها ..؟

هل يوجد فعلا حقن للهرمونات الجنسيه في الدواجن ام اكذوبه لا مصداقية لها ..؟

حقن الهرمونات في الدواجن حقيقه ام خيال

عدد المشاهدات : 5693 مرة التفاصيل
اشاعة حقن الدجاج بالهرمونات ما له وما عليه .

اشاعة حقن الدجاج بالهرمونات ما له وما عليه .

افتراء وكذب انا مهندس زراعي وتخصص في تربيه الدواجن وهذا الكلام باطل وليس له مصداقيه من الصحه ده اولا ثانيا سبب النمو المرتفع في دجاج التسمين شغل الوراثه اللي…

عدد المشاهدات : 3083 مرة التفاصيل
طرق تجميع العينات وإرسالها إلى المختبر لإجراء التشخيص المعملي للأمراض وإجراء الاختبارات السيرولوجية لقطعان الدواجن

طرق تجميع العينات وإرسالها إلى المختبر لإجراء التشخيص المعملي للأمراض وإجراء الاختبارات السيرولوجية لقطعان الدواجن

طرق تجميع العينات وإرسالها إلى المختبر لإجراء التشخيص المعملي للأمراض وإجراء الاختبارات السيرولوجية لقطعان الدواجن..

عدد المشاهدات : 2936 مرة التفاصيل

بعض النصائح المفيده للوقايه من أمراض الدواجن

هنا بعض النصائح المفيده للوقايه من أمراض الدواجن يجب معرفتها جيدا .

عدد المشاهدات : 36319 مرة التفاصيل

الكلى اكثر اعضاء الطير تعرضاً للظلم اثناء فترة التسمين ما اسباب الإصابة وكيفية المحافظة عليها

الكلى ما وظائفها و اسباب الإصابة وكيفية المحافظة عليها
من وجهة نظر العضو حمادة الدهشورى

عدد المشاهدات : 6910 مرة التفاصيل
أضف إعلانك الآن فى وسيط موقع الدجاج
  • أضف بياناتك ليصلك كل جديد
  • البريد الألكترونى:
  • رقم الجوال:
  • ما علاقتك بالدواجن؟